'NA PUISIA PPI MIA

M' 'A VUI, VI PARI GIUSTU,CAR'AMICI
C' 'A TUTTI, HAJU FATTU PUISII......
M' 'A MIA,MAI NUDDU, MI NNI FICI;
PP'ACCUNTINTARI PURU 'I ME' DISII?

ME' PATRI, UNA, 'N-VERU, 'A DIDICO'...:
'NA BELLA PUISIA SUPRA " 'U PANI..."!
MA ORMAI,TANTU TEMPU,GIA' PASSO',
E, DDI PAROLI ARRISTARU VANI.

LA GENTI VOLI CCHIU' SEMPRI DI TIA,
NUN S'ACCUNTENTA SULU DI LU PANI...,
PRITENNI TUTTU 'U MEGGHIU CA CI SIA,
E POI TI TRATTA PEJU FUSSI 'N-CANI.

VULISSI CA QUALCUNU MI PINZASSI...
PPI DARIMI CURAGGIU E NCITAMENTU!
VULISSI, PROPRIU TU...!MI DIDICASSI...
PAROLI D'AMURI E SINTIMENTU.

E MI PASSASSI LA MALINCUNIA...
PPI TANT'AFFETTU...! E FUSSI CUNTENTU...,
CA LA ME' VITA, SENZA FIRNICIA,
SI CULURASSI D'ORU E D'ARGENTU.

CATANIA 03/12/2017
SAVERIO GRANCAGNOLO