LA MUVIOLA DI LA MIMORIA(1)

QUANTI RICORDI E QUANTA NOSTALGIA

DI LU TEMPO C' ORMAI NUN PO' TURNARI!

E MI MANCA LU CIATU E, LA VALIA ...

PPI LI COSI C'ACCHIU' NUN POZZU FARI.
--..--

DI PICCIRIDDU ERU PRISINTUUSU,

MI SINTEVA LU MEGGHIU DI LU MUNNU

ERU SUPERBU, ERU VANITUSU

JITTAVU FUMU SEMPRI A TUTTU TUNNU.
--..--

ME PATRI E' LAURIATU, E' DUTTURI...!

ME MATRI E' NSIGNANTI CCU LA NOCCA:

E SEMPRI, ARRIPITEVA TUTTI L'URI,

FINU ABBASTACCHIU' 'STA FILASTROCCA.
--..--

'N-JIORNU, 'N-CUMPAGNU DI L'ELEMENTARI,

MI DISSI,BEDDU, CCHI CI VAI NCUCCHIANNU,

ME PATRI SI TU PROPRIU VOI SAPIRI...

DI LAURII, TRI NNI STA' ACCUCCHIANNU!
--..--

MERICU, BIOLOGU E SCINZIATU!

ME MATRI, NVECI, FA' LA GIURNALISTA.

JU M'AFFRUNTAI E MI STESI MUTU...

SCUMPARENNU LUNTANU D' 'A SO VISTA.
--..--

CHISTU, PPI MIA, FU DI NSIGNAMENTU,

LA PRISUNZIONI, MAI FA L'OMU VERU!

DI TANNU APPRESSU E,FINU A STU MUMENTU,

ADDIVINTAI MUDESTU E CCHIU' SINCERU.


CATANIA 19/09/2017

SAVERIO GRANCAGNOLO