DIU PPI 'N-GNORNU

SI JU, SULU PPI' 'N-JORNU, FUSSI DIU,
NUN POI SAPIRI LI COSI CA FACISSI...!
A MUTA, A MUTA, E SENZA SCHIFIU,
A TANTI, PPI LI FESTI L'ABBISSASSI.

ACCUMINCIASSI CU RICCHI E PUTENTI
SCIPPANNUCI LU PANI DI LI DENTI...!
M'ARRICRIASSI A SENTIRI I LAMENTI
PPI LA GRAN FAMI E LI PATIMENTI.

A CHIDDI CA CUMANNANU LU MUNNU
E CU LA FORZA SI FANNU ASCUTARI,
LI MITTISSI ,'N-FILA E, A UNU A UNU,
SUPRA LU FOCU LI FACISSI PASSIARI.

DI LI COSI CA TU HAI SFIRNICIATU,
FIGGHIUZZU MIU, PRESTU T'HAI PINTIRI
SI TU.., GRAN COSA TINTA E DIPRAVATU...
NTA LU ME REGNU, 'N-JORNU VOI TRASIRI.

PIRNUNAMI, SIGNURI, S'HAIU PICCATU!
L'OMU E' DEBULI E SPISSU SCUNFINA!
MA CU RISPETTU,PPI ESSIRI EDUCATU...
CI DASSI 'N-ALLIFFIATA ALL'ANCILINA.

CATANIA 22/08/2017
SAVERIO GRANCAGNOLO