CIURI D'AUTUNNU

CIURI D'AUTUNNU
Chiddi di Ottobri: Su li megghiu ciuri,
ppi la biddizza e ppi li so' culuri.
Chini di vita e carrichi d'amuri
sia ca sunu chiari oppuru scuri.
--°--
Li prati virdi e li munti mbruniati
parunu, di friscu, appitturati;
e lu cielu cangiatu di culuri,
duna cchiù forza puru a li sapuri.
--°--
Ormai, la racina è matura...
e, la vinnigna ,oggi, n'assicura;
lu vinu, ca porta alla jispenza
tant'abbunnaza e tanta pruvidenza.
--°--
Ciuri d'autunnu frischi e profumati,
nta li jitteni a siccu affirragghiati...
rinniti garbu a Diu e a la Natura
cu la vostra lucenti acciuritura.
CT.16/10/2014
SAVERIO GRANCAGNOLO