A GILBERTO IDONEA

A GILBERTO
CARU GILBERTO, NUN SEMU CHIU' CARUSI
AVEMU L'ANNI CA NI MIRITAMU!
MA PPI SINTIRINI MENU CUNFUSI..
E MEGGHIU C' ACCHIU' NUN LI CUNTAMU.
DI MIA, NA PARA D'ANNI SI' CCHIU' NICU,
E JU, LA TO' ETA' GIA', LA CANUSCIU...
MA CHIDDA MIA, A TIA NUN TI LA DICU,
PIRCHI' NUN VOGGHIU FARI TANTU SGRUSCIU.
NI CANUSCEMU NNA LA CARUSANZA
QUANNU LU MUNNU ANCORA RAGGIUNAVA
ALLURA DI LI PATRI LA PRISENZA,
NI CUNURTAVA E CHISSU... N'ABBASTAVA.
OGGI, E' DIVERSU: SI PERSI LA SPIRANZA!
LU PRIMU CA SI SUSI GIA' PRUNUNZIA
SENZA GIUDIZIU E BONA CRIANZA...
LA SO' INAPPILLABILI SINTENZA:
NON AVI CORI E NON AVI AMURI
MA PENSA SULU A JINCHIRI LA PANZA.
CHISTU E' LU PATIMENTU, LU DULURI...
CHISTU, LU MALI CA PURTROPPU AVANZA.
GRANN' ATTURI, MASTRU D'IRUNIA...
CU LA TO' ARTI E LA TO' SIMPATIA
LEVI DI TORNU LA MALINCUNIA.
HA STATU BELLA LA TO'CUMPAGNIA
E, TORNA SEMPRI TANTA NUSTALGIA,
DI LI GRAN TEMPI CA NON TORNANU CCHIU';
MA SI PUTISSI FARI 'NA MAGIA...
JU JISSI ARRERI E NON TURNASSI CCHIU'.

SAVERIO GRANCAGNOLO
CT.18-06-2015